- Հեղինակ՝ Արմեն Քոլոյան
Deep Purple ռոք խմբի ստեղնահար Դոն Էյրին ի նշան բողոքի Ռուսաստանի նախկին նախագահ, այժմ Անվտանգության խորհրդի փոխնախագահ Դմիտրի Մեդվեդևին է վերադարձնում նրա ինքնագիրը:
- Հեղինակ՝ Սերինե Գաբրիելյան
«Դոնբասի պաշտպանության հատուկ օպերացիայի» կասեցումը հնարավոր է միայն այն դեպքում, եթե Կիևը դադարեցնի մարտերը և կատարի ռուսական պահանջները, հայտարարել է Վլադիմիր Պուտինը Թուրքիայի նախագահ Ռեջեփ Էրդողանի հետ զրույցում։ Այս մասին հայտնում է Կրեմլի մամուլի ծառայությունը։
- Հեղինակ՝ Սերինե Գաբրիելյան
Ըստ Կրեմլի` Թուրքիայի նախագահն Անկարայի պատրաստակամությունն է ներկայացրել՝ նպաստելու հակամարտության խաղաղ կարգավորմանը։
«Բանակցությունների ընթացքում նախագահ Էրդողանն ասել է, որ Թուրքիան պատրաստ է հնարավորինս շուտ նպաստել ուկրաինական խնդրի խաղաղ ճանապարհով լուծմանը», - ասվում է Թուրքիայի ղեկավարի գրասենյակի հայտարարության մեջ։
- Հեղինակ՝ Սերինե Գաբրիելյան
ԱՄՆ պետքարտուղար Էնթոնի Բլինքենը հայտարարել է, որ Միացյալ Նահանգները կշարունակի օգնություն տրամադրել Ուկրաինային։
«Միացյալ Նահանգները մշտական աջակցություն է ցուցաբերել Ուկրաինային, այդ թվում՝ նրա պաշտպանունակությունն ուժեղացնելու նպատակով։ Միայն վերջին ժամանակներս այդ օգնությունը կազմել է մոտ մեկ միլիարդ դոլար»,- ասել է Բլինքենը։
Միաժամանակ, նա կրկին խաղաղության կոչ է արել:
- Հեղինակ՝ Սերինե Գաբրիելյան
Ֆրանսիայի և Ռուսաստանի նախագահներ Էմանյուել Մակրոնը և Վլադիմիր Պուտինը երեկ հեռախոսով քննարկել են Ուկրաինայում պատերազմը դադարեցնելու հարցը:
Կրեմլի փոխանցմամբ, Պուտինը Մակրոնին ներկայացրել է ռուս-ուկրաինական բանակցությունների ընթացքը և ասել է, որ Մոսկվան պատրաստ է շարունակել երկխոսությունը՝ «եթե Կիևն ընդունի ռուսական կողմի պահանջները»:
Պուտինը Մակրոնին նաև ասել է, որ ուկրաինական կողմը չի կատարում մարդասիրական միջանցների վերաբերյալ պայմանավորվածությունները: Նա պնդել է, թե «ուկրաինացի ազգայնականները Մարիուպոլ և Վոլնովախա ավանների խաղաղ բնակիչներին, այդ թվում` օտարերկրացիներին, արգելել են մարդասիրական միջանցքներով հեռանալ առճակատման գոտուց»:
Պուտինը պնդել է, թե «Զապորոժիեի ատոմակայանի միջադեպն ուկրաինացի արմատականների ցինիկ քարոզչական ակցիայի մասն է»:
- Հեղինակ՝ Սերինե Գաբրիելյան
Visa վճարային համակարգի ռուսական դուստր ձեռնարկությունը մարտի 10-ից դադարեցնում է քարտերի սպասարկումը Ռուսաստանում:
Մարտի 10-ից Ռուսաստանում թողարկված Visa քարտերը չեն աշխատի արտերկրում և չեն ընդունվի վճարման արտասահմանյան առցանց խանութներում։
Նման իրավիճակ է նաև Mastercard քարտերի դեպքում:
- Հեղինակ՝ Անուշ Մկրտչյան
Netflix-ը, TikTok-ը և American Express-ը դադարեցնում են ծառայությունները Ռուսաստանում՝ Ուկրաինայի վրա հարձակման պատճառով։
American Express-ը, հետևելով Visa-ի, Mastercard-ի և PayPal-ի որոշումներին, նույնպես դադարեցնում է իր գործունեությունը Ռուսաստանում և Բելառուսում:
- Հեղինակ՝ Անուշ Մկրտչյան
Միացյալ Նահանգները և դաշնակիցները քննարկում են ռուսական նավթի ներկրումն արգելելու հարցը: Այս մասին երեկ հայտնել է ԱՄՆ պետքարտուղար Էնթոնի Բլինքենը NBC-ին տված հարցազրույցում։
Ռուսաստանի Ուկրաինա ներխուժումից հետո Միացյալ Նահանգներն առայժմ պատժամիջոցներով չի թիրախավորել Ռուսաստանից նավթի և գազի արտահանումը՝ հաշվի առնելով դրա ազդեցությունը նավթի համաշխարհային շուկաների և ԱՄՆ-ում էներգակիրների գների վրա։
- Հեղինակ՝ Անուշ Մկրտչյան
Միացյալ Նահանգների փոխնախագահ Քամալա Հարիսն այս շաբաթ կմեկնի Լեհաստան և Ռումինիա՝ բարձրաստիճան պաշտոնյաների հետ Ուկրաինայում ընթացող պատերազմն ու դրա ազդեցությունը տարածաշրջանի վրա քննարկելու համար:
Սպիտակ տան հաղորդմամբ՝ ակնկալվում է, որ Վարշավայում և Բուխարեստում փոխնախագահի օրակարգի գլխավոր հարցը կլինի Ուկրաինային տնտեսական, անվտանգության և մարդասիրական օգնությունը: «Կքննարկվի նաև, թե ինչպես Միացյալ Նահանգները կարող է հետագայում աջակցել Ուկրաինայի հարևաններին՝ փախստականների նկատմամբ հոգ տանելու հարցում», - ասել է փոխնախագահի խոսնակը:
- Հեղինակ՝ Անուշ Մկրտչյան
Մոսկվայի Մեծ (Բոլշոյ) թատրոնի երաժշտական ղեկավարն ու գլխավոր դիրիժորը հայտարարել է իր հրաժարականի մասին՝ ուկրաինական հակամարտության հարցում դիրքորոշում ընդունելու ճնշման պատճառով։ Տուգան Սոխիևը պարզաբանել է, որ հրաժարվում է նաև Ֆրանսիայի Թուլուզի Նասիոնալ դյու Կապիտոլ նվագախումբը ղեկավարելուց։
Սոխիևը որոշել է հրաժարական տալ, երբ «ստիպված է եղել ընտրություն կատարել իր սիրելի ռուս և ֆրանսիացի երաժիշտների միջև»